AfyaTrack App ni application ya simu za mkonnoni kama "Facebook" au "Instagram" inayokuwezesha kupata taarifa za maendeleo ya ujauzito au ukuaji wa mtoto wiki hadi wiki kwa lugha nyepesi ya Kiswahili. Unapopakua App hii na kuwa nayo kwenye simu yako una uhakika wa kupata taarifa na ushauri utakaoendana na umri wa ujauzito wako au mtoto wako kuhusu mabadiliko yako kimwili, mabadiliko yanayotokea kwa mtoto, lishe na vyakula, dalili hatarishi na vipimo maalumu, uhudhuriaji wa kliniki na chanjo husika, mazoezi na mapumziko, ukuaji wa mtoto na malezi bora na mengineyo mengi.

Application ya AfyaTrack inapatikana kirahisi sana. Kwa watumiaji wa simu zenye mfumo wa "Android" unachotakiwa kufanya ni kufungua app ya "Google Play Store" halafu unatafuta app ya AfyaTrack kwa kuandika maneno "AfyaTrack" kwenye sehemu ya kutafutia - search. Mara zote application itakayotokea ya kwanza ndio husika. Kisha unaipakua na hakikisha imeingia kwenye simu yako (Utahitaji kuwa na kifurushi cha kuperuzi mtandao kufanikisha hatua hii). Ukishafanikiwa kuiingiza kwenye simu yako hatua zinazofuata za kujiunga zinajieleza ukiifungua app.

AfyaTrack app inakupa uwezo wa kujiunga na huduma za ufuatiliaji wa maendeleo ya ujauzito wako au ukuaji wa mtoto wako. Ifahamike kwamba unaweza kujiunga na huduma moja kwa wakati mmoja. Unapoifungua app utapelekwa moja kwa moja kwenye sehemu ya kuingiza taarifa zako muhimu kama barua pepe, neno la siri nk. Ukifanikiwa kupita hatua hii, hatua inayofuata utaweza kuchagua huduma ya ufuatiliaji unayotaka kutumia, kati ya UJAUZITO au MTOTO. Ukichagua huduma ya Ujauzito utatakiwa kuingiza tarehe yako ya kwanza ya hedhi iliyopita ili application iweze kukupeleka moja kwa moja kuanza kupata taarifa za ujauzito kwa wiki uliyopo wakati huo. Ukichagua huduma ya Mtoto utahitajika kuingiza tarehe ya kuzaliwa ya mtoto husika ili uweze kupelekwa moja kwa moja kuanza kupata taarifa za ukuaji wa mtoto kwa wakati huo. (Kumbuka: Kwa sasa huduma ya ufuatiliaji ya ukuaji wa mtoto ni mpaka mtoto atakapofikisha mwaka mmoja pekee, tunaendelea kuongeza huduma hii ifike hadi miaka mitano na kuendelea)

BURE. App ya AfyaTrack haina malipo yoyote kuipakua au kujiunga kuweza kuitumia. Huduma hii inawezeshwa na mashirika mbali mbali yanayojali afya ya mama na mtoto kuifanya ipatikane bure bila malipo yoyote.