Mtandao #1 kwa Afya ya Mama na Mtoto

Address:

P. O. Box 38995, Dar es Salaam, Tanzania

Ufuatiliaji Ujauzito AfyaTrack

Mtoto Mwaka 1 na Miezi 4 – (Miezi 16)

Miezi 16 wiki ya kwanza

Jinsi mwanao anavyokua

Mwanao anajifunza zaidi kuhusu ulimwengu kila siku. Ambapo miezi michache iliopita alikuwa akiweka kila kitu mdomoni na sasa anaweza kutambua matumizi ya kila kimoja pekee yake.

Anaanza kucheza michezo mbalimbali na anapendelea zaidi mchezo wa kuona, au kutaja sehemu za mwili, kumbukumbu yake nayo inakua na hata hivyo anaweza kukumbuka mambo mbalimbali ambayo unaweza ukawa umeyasahau.

Ingawa mwanao anaweza akawa anacheza kila mahala na kuhangaika anaweza asiwe mkakamavu miguuuni anaweza kusahau hatua mbalimbali za ngazi, au akajikwaaa kwenye miguu yake akiwa anakukimbilia umkumbatie, ni vyemba ukawa na boksi la huduma ya kwanza ndani ya nyumba yako.

Miezi 16 wiki ya 2

Jinsi mwanao anavyokua

Unaweza ukawa unawaza ni lini inafaa zaidi kuanza kumwadhibu mwanao haswa pale afanya kosa, inaweza ikawa hafanyi makusudi ila anaangalia kipi anaweza kufanya na kipi hawezi kufanya akiwa na wewe

Wakati mwingine anaweza akawa mdadisi tu.

Ni sawa kujua kuwa anajifunza ila haimaanishi atakuwa na tabia nzuri hapo mbeleni ukimwacha.

Namna uwezo wa mwanao wa kuongea unavyozidi, endelea kumsomea hadithi kumwimbia na kuongea nae kila mara ili kuongeza uwezo wake zaidi.

Miezi 16 wiki ya 3

Jinsi mwanao anavyokua.

Kati ya sasa na miezi 18 utaanza kutambua mwanao ameacha kulala asubuhi lakini bado anahitaji kulala mchana hakikisha isiwe jioni ili aweze kulala ifikapo usiku.

Mwanao bado anaweza akawa anahitaji kupumzika ifikapo asubuhi, sio lazima alale bali anaweza kupumzika tu kuangalia katuni kukaa kwenye kochii na kusikiliza mziki laini.

Mwanao anapenda kuangalia luninga wataaalamu wanashauri dakika 10 au pungufu ni bora zaidi kwa mtoto, tambua kwamba mtoto chini ya miaka 2 haishauriwi na wataalamu kuangalia luninga.

Miezi 16 wiki ya 4

Jinsi mtoto anavyokua.

Watoto wanaweza wakawa wanachekesha hata kama wanafanya kitu ambacho hawajaruhusiwa, kama vile kupanda juu ya meza kutumbukiza vitu chooni nk.

Mwanao anaelewa vingi kuliko unavyodhani, ikiwemo ishara za mwili. Ukimwambia aache wakati unacheka ataona ni mchezo na ataendelea ila ukiwa hucheki na ukimwabia aache ataacha mara moja na kujua unamaanisha.

Jaribu kuwa msisitizaji uwezavyo, ukimkataza kitu sasa na kuacha kumkataza baadae utamchanganya mtoto na kushindwa kuelewa afanyeje .

Utakuta mwanao wa miezi 16 anaanza kukataa kufungwa mkanda wa gari, akikataa mweleze sababu ya kufunga mkanda na mkubaliane ili afunge mkanda. Na mwendelee na safari.

Ufuatiliaji Ujauzito AfyaTrack

Mtoto Mwaka 1 na Miezi 3 – (Miezi 15)

Miezi 15 wiki ya 1

Jinsi mwanao anavyokua.

Mwanao anakuwa haraka sana. Anaweza akawa ameanza kupiga hatua mbili tatu na unaweza ukawa umeona anaanza kula mwenyewe.

Kila mchezo achezao unamfundisha zadi kuhusu dunia, hata kama ni kutambua sehemu za mwili au ni kuangusha na kuokota vitu mbalimbali huku na kule

Uelewa wa mwanao unapozidi, anatambua kuwa na yeye ni mwanadamu, na sio tu sehemu ya wewe bali unaweza kutambua pale akijiona kwenye kioo na kijinyooshea kidole. Akijitambua na kuelewa kuwa ni yeye anajiona.

Kuelewa kuwa yeye ni mtu huru kunaweza kuwa na mabaya yake. Na inawezekana kuwa yeye na wewe mkawa tofauti, hivyo uondokapo inaweza kuwa changamoto bado.

Mpaka sasa unaweza ukawa umetambua tabia ya mwanao na unaweza kutambua atakavyofanya ifikapo hali fulani.

Mwanao anaweza akawa mrahisi au mgumu kubadilika kulingana na hali, jaribu kuweka anachopendelea maanani kama unajua anatakiwa apumzike kipindi fulani ili asichoke sana , usiwe na mipango ya kumfanya akose kupumzika

Miezi 15 wiki ya 2

Jinsi mwanao anavyokua

Katika kipindi hichi, neno hapana linaweza kusemwa sana, kati yako wewe na mwanao.

Tabia ya kurudiarudia inaweza ikawa yakuchosha sana, lakini huonyesha kuwa mwanao anaanza kutambua anachopenda na asichopenda kwahiyo usishangae akikuhangaisha wakati wa kuvaa nepi au kupiga mswaki,nk.

Baadhi ya vitu havitakua vya makubaliano kati yako na mwanao, ni vyema atambue kuwa tabia mbaya haikubaliki.

Miezi 15 wiki ya 3

Jinsi mwanao anavyokua

Funguo, penseli lipustiki vinaweza vikawa vitu vya kumfurahisha sana mwanao, hata hivyo wewe ndio mtu wa muhimu maishanimwake kwahiyo vyote vinavyomfanya awe kama wewe ni jambo la furaha sana kwake

Mambo mengi mwanao anayoyapenda kucheza nayo yanaweza yasiwe mazuri sana, kwani vinaweza kumkaba akiweka mdomoni, kwahiyo tafuta vitu anavyoweza kucheza navyo na vikawa salama kwake

Chukua nafasi hii ya mwanao kutambua vitu na umfundishe vitu vizuri kuchezea, unaweza kutumia vitu mbalimbali ambavyo ni salama kwake kuweza kumfundisha mwanao mambo mbalimbali.

Miezi 15 wiki ya nne.

Jinsi mtoto anavyokua

Mwanao anaweza akawa anaota meno wakati huu, kwahiyo jiandae kwa mabadiliko ya tabia yake wakati huu hasa kwenye kula na kunywa.

Punguza maumivu ya meno ya mtoto kutoka kwa kumsugua fizi zake mara kwa mara kwa vidole safi, au kumpa kitu cha baridi aweze kukilambalamba, kama vipande vya matango yenye baridi kwa mbali, kama haisaidii unaweza kutumia dawa maalumu ya meno ya mtoto.

Katika wakati huu uunavyozidi kusema acha ndivyo atakavyo anza kulizoea na kulipuuza hilo neno. Jaribu kutengeneza mazingira mazuri ya kuepuka kulisema neno hilo kila wakati

Ufuatiliaji Ujauzito AfyaTrack

Ujauzito Wiki ya 40

Jinsi mtoto wako anavyokuwa katika ujauzito wiki ya 40
Ingawa pamebana huko tumboni mwako, mtoto wako bado anaongezeka taratibu. Nywele zake na kucha zinakua ndefu.

toto wako anaweza kuzaliwa na kucha ndefu, na sio lazima kuzikata mapema mno. Kutumia gloves za watoto “mittens” katika mikono ya kichanga wako hulinda asiweze kukwangua ngozi yake.

Ni vigumu kutabiri ukubwa wamtoto wako wakati wa kuzaliwa. Hata hivyo, tunajua kwamba watoto wachanga wana uzito wa wastani wa kilogramu 3.3 (7.3lb).

Mifupa ya fuvu la mtoto wako bado haijaungana, ambayo inaruhusu kuingiliana kidogo wakati akipita katika njia ya mfereji wa kuzaliwa wakati wa uchungu. Kuwa na uhakika kwamba ni jambo la kawaida na kwa muda mtoto wako kuwa na sehemu laini juu ya kichwa chake kwa angalau mwaka wake wa kwanza.

Dalili za ujauzito katika wiki ya 40
Usingizi katika hatua hii unaweza kutokuja kwa urahisi .Kama ni vigumu kwako kupata usingizi usiku, jaribu kulala kwa mito au hata katika viti vizuri.

Unaweza kupata usingizi wakati wa mchana pia. Pumzika kadiri uwezavyo kwani itakusaidia kuhifadhi nguvu itakayohitajika wakati wa kujifungua. Jaribu kutokuwa na wasiwasi kwa kutokupata usingizi mzuri usiku katika siku hizi. Unaweza kujisikia bado macho maangavu wakati wa mchana, lakini mtoto wakohataathiriwa na ukosefu wako wausingizi.

Muongozo kuhusu ujauzito wiki ya 40
Baada ya miezi ya kutarajia kujifungua, tarehe yako ya kujifungua imepitiliza na wewe bado ni mjamzito. Jambo hili linaweza kukusikitisha na kuleta jazba, lakini ni kawaida. Kama uvumilivu unaelekea kukuisha, inaweza kusaidia kujikumbusha mwenyewe kwamba tarehe yako yenyewe ya kujifungua hutokana na kukadiria. Katika wiki 40, daktari wako au mkunga hawezi kufikiria kwamba muda wako wa kujifungua umepita “overdue” mpaka wiki moja zaidi ipite.

Wamama watarajiwa wachache wana kile kinachoitwa mimba za muda mrefu, ambazo huchukua muda wa wiki zaidi ya 42. Mkunga wako atakuangalia kwa makini katika siku hizi za mwisho. Unapaswa kuwa unahudhuria kliniki ya wajawazito kila wiki kwa sasa. Kama ujauzito wako ulikuwa wa moja kwa moja na usio wa matatizo daktari au mkunga wako lazima akuanzishie uchungu baada ya wiki ya 41.

Unachotakiwa kufahamu katika ujauzito wiki ya 40
Je marafiki na familia yako hukupigia, au kutuma ujumbe kwako kila siku ili kujua jinsi mambo yanavyokwenda? Kama inakuchanganya, waeleza kwamba utawasiliana nao wakati mtoto wako ni dhahiri anakaribia kuzaliwa na si kabla! Au labda utawajuza baada ya kujifungua kabisa.

Ufuatiliaji Ujauzito AfyaTrack

Ujauzito Wiki ya 39

Jinsi mtoto wako anavyokua katika wiki ya 39
Siku kubwa uliyokuwa unaisubiria ipo karibu sasa na haitakuwa muda mrefu sasa kabla ya wewe kuwa na uwezo wa kumkumbatia mtoto wako. Lakini usiwe na wasiwasi kama ifikapo mwishoni mwa wiki hii bado hujajifungua. Ni asilimia nne ya watoto wanazaliwa katika tarehe wanayotarajiwa. Watoto wengi huzaliwa ama mapema au wanachelewa.

Dalili za ujauzito katika wiki ya 39
Wiki chache za mwisho za ujauzito zinaweza kuwa ngumu kama unakabiliwa nakiungulia. Acha kula vyakula vyenye mafuta kwa wingi au kula kwa wingi kwa mkupuo.

Je, unajisikia kama muda umeenda tangu mwanzo wa ujauzito wako? Kama ndivyo, basi kuwa tayari kwa ajili mabadiliko ya kasi. Hizi siku chache za mwisho pengine utazihisi kuwa ni nyingi zaidi kuliko miezi tisa iliyopita.

Unaweza kuwa na hisia tofauti na wasiwasi juu ya kujifungua kwako, au wasiwasi kwamba utapitiliza tarehe yako ya kujifungua. Madaktari wengi na wakunga husubiri muda wa siku 10 hadi siku 14 baada ya tarehe yako kabla ya kuridhika kwamba mtoto wake amepitiliza muda husika na kamua kukuanzishia uchungu.

Wakati huo huo, wewe na mpenzi wako mnaweza kujaribu kupunguza mawazo kwa kufanya mapenzi kidogo. Tendo la ndoa linaweza kuwa na manufaa katika kufanya uchungu kuanza. Hata kama haitafanya kazi, angalau ni jambo la furaha kujaribu!

Unachotakiwa kufahamu katika ujauzito wiki ya 39
Mkunga au daktari wako anaweza kufanya kitu kinaitwa “membrane sweep” ambapo ni ili kujaribu kufanya uchungu uanze kawaida. Kama huyu ni mtoto wako wa kwanza, uchungu wako unaweza kuwa wa polepole na wa muda mrefu. Lakini, kuna njia mbalimbali za kuongeza kasi ya uchungu, za asili na kwa msaada wa dawa au vifaa maalumu.

Kama mama yako anakuja kukaa wakati mtoto wako kazaliwa, basi ni vyema kuwa umepata msaada toka kwa mtu ambaye ana uzoefu na huduma za mwanzoni zinazohitajika baada ya kujifungua kwako na kwa mtoto wako.

Je una wageni wengi wanategemea kuja kumjua mtoto wako mchanga? Hii inaweza kuwa balaa. Hivyo usijisikie vibaya juu ya kuweka baadhi ya watu mbali kwa zaidi ya wiki moja au mbili. Au kwa kupendekeza kuwa waje tu kwa muda mfupi na kuondoka.

Jambo la kwanza la muhimu kwa sasa ni wewe na mtoto wako. Unatakiwa upate muda wa kupumzika na kupona. Pia ni wazo zuri kuzuia watu na marafiki wa karibu kumbeba mtoto katika wiki ya kwanza.

Ufuatiliaji Ujauzito AfyaTrack

Ujauzito Wiki ya 38

Jinsi mtoto wako anavyokua katika ujauzito wiki ya 38
Mtoto wako sasa yuko tayari kusalimiana na dunia. Katika hatua hii, mtoto wako bado anajenga safu ya mafuta chini ya ngozi yake kumsaidia kudhibiti joto la mwili wake baada ya yeye kuzaliwa. Viungo vyake vyote vimeshakamilika, ingawa mapafu yake yatakuwa ya mwisho kufikia ukamilifu wake.

Kutoka wiki hii na kuendelea, kiasi cha maji ya uzazi “amniotic fluid” katika mji wako wa mimba kimeanza kupungua taratibu, ingawa mwiliwako utaendelea kutengeneza maji mpaka mtoto wako kuzaliwa.

Dalili za ujauzito katika wiki ya 38
Unaweza kuwa unajihisi mkubwa na mwenye wasiwasi wakati wa wiki hizi za mwisho. Jaribu kuwa na amani. Kuangalia filamu, kusoma kitabu ambachohakina uhusiano kabisa na ujauzito au watoto. Pia ukipata nafasi kutana na marafiki kwani ni vitu ambavyo ukishajifungua utashindwa kuvifanya.

Unachotakiwa kufahamu katika ujauzito wikiya 38
Wiki hii utakuwa unahudhuria kliniki yako kwa mara ya mwishokabla ya mtoto wako kuzaliwa, isipokuwa kama utazidisha muda wa kujifungua. Hivyo tengeneza orodha ya maswali yoyote ya dakika za mwisho unaweza kuwa nayo kwa mkunga au daktari wako. Unaweza kuwa na maswali kuanzia jinsi ya kukabiliana na uchungu mapemana ni aina gani ya vituliza maumivu vinapatikana, ikiwa ni pamoja na vidokezo juu ya njia ya asili ya kupunguza maumivu na mbinu za kunyonyesha mtoto kwa mara ya kwanza.

Kama mpenzi wako ana wasiwasi kuhusu kukuangalia ukipitia maumivu, mjikumbushe wenyewe kwamba uchungu wa kujifungua ni tofauti na maumivu ya kawaida. Si ishara kwamba kuna kitu kibaya. Badala yake, ni ishara kwamba mtoto wako yupo njiani anakuja na misuli ya uzazi inafanya kazi vizuri kumsaidia kuingia ulimwenguni. Kama una watoto wengine, angalia kwa mara nyingine mipango ya mtu atakayekuwa anawaangalia pindi wewe na mpenzi wako mnaelekea kituo cha afya kujifungua.

Ufuatiliaji Ujauzito AfyaTrack

Ujauzito Wiki ya 37

Jinsi mtoto wako anavyokua katika ujauzito wiki ya 37
Mtoto wako ameanza kulitoa lile koti la nta nta lilikuwa limeifunika ngozi yake, ingawa bado anaweza akawa na alama za nta nta hii baadhi ya sehemu za mwili wake baada ya kuzaliwa.

Mtoto wako humeza chochote anachokitoa kwenye ngozi yake na hukaa katika utumbo wake mpaka anapozaliwa. Kinyesi chake cha kwanza kitakuwa na rangi ya mchanganyiko nyeusi na kijani, iitwayo “meconium”.

Dalili za ujauzito katika wiki ya 37
Wiki chache zijazo ni mchezo wa kusubiri. Hata hivyo ni vigumu sana kuwa na subira, jaribu kufurahia wakati huu kabla ya mtoto wako hajawasili. Kula vizuri na kupata mapumziko ya kutosha.

ama umechoshwa kuwa na ujauzito, unaweza kuangalia mbeleni na kuwaza kichanga wako atakua na mwonekano gani.

Unachotakiwa kufahamu katika ujauzito wiki ya 37
Je umeshaandaa mfuko wako wenye vifaa vyote muhimu kuwa navyo utakapokuwa unaenda kujifungua? Kama kuna vitu vichache ambavyo hujaviandaa katika dakika za mwisho, usiwe na mawazo, angalia katika orodha yetu ya vitu muhimu kuwa navyo unavyoelekea kujifunua kwenye kituo cha afya.

Andaa nguoambazo mtoto wako atavaa baada ya kuzaliwa na kwaajili ya safari ya kurudi nyumbani. Na kumbuka piakuandaa nguo nyepesi kwa ajili yako mwenyewe.

Hii pia ni nafasi ya mwisho kwa mwenzi au mpenzi wako kurudia kujifunza juu ya jinsi ya kukusaidia unapojifungua na baada ya kujifungua.

Unaweza kumtegemea mpenzi wako kukuongoza wewe katika maamuzi wakati upokwenye uchungu mkali na hautakuwa kwenye hali nzuri ya kutoa maamuzi. Hivyo kumsaidia kumwelewesha ni nini muhimu zaidi mapema ni muhimu.

Ufuatiliaji Ujauzito AfyaTrack

Ujauzito Wiki ya 36

Jinsi mtoto wako anavyokua katika ujauzito wiki ya 36
Hongera! Mwishoni mwa wiki hii, ujauzito wako utakua umefikia muda kamilifu. Hii ina maana mtoto wako anaweza kuzaliwa siku yoyote kuanzia sasa. Watoto waliozaliwa kabla ya wiki 37 ni njiti au kabla ya muda “pre-mature” , na wale waliozaliwa baada ya wiki 42 ni baada ya muda “ post-mature” Watoto wote ni tofauti lakini kawaida wenye umri wa wiki 37 huwa na uzito wa 2.8kg.

Dalili za ujauzito katika wiki ya 36
Unaweza kuanza kuhisi kuongezeka kwa shinikizo katika tumbo lako la chini na kutambua kwamba hatua kwa hatua mtoto wako anashuka. Hapa mtoto anashuka na kuanza kuingia kwenye nyonga kuelekea kwenye mlango wa uzazi “cervix”.

Habari njema ni kwamba mapafu yako na tumbo lako hatimaye hupata nafasi ya kujinyoosha kidogo, hivyo kupumua na kula kunakuwa rahisi zaidi.

Hata hivyo, unaweza kutambua kutembea kunazidi kuwa kugumu . Uzoefu wako wa kubeba mtoto wako tumboni unaanza kuhisi utofauti kabisa. Baadhi ya mama watarajiwa wanasema hujisikia kama mtoto wao anakwenda kuanguka nje. Jaribu usiwe na wasiwasi kwani hii haiwezi kutokea.

Unaweza pia kujisikia kama una haja ya kwenda kukojoa wakati wote, kadiri mtoto wako anavyosukuma kibofu cha mkojo wako. Jaribu kufanya mazoezi ya sakafu yako ya nyonga yanaweza kusaidia.

Unachotakiwa kufahamu katika ujauzito wiki ya 36
Kadiri siku yako ya kujifungua inavyokaribia, utajuaje kwamba sasa mambo ndio yanaanze kweli kweli? Kwa sababu uchungu halisi unaweza ukaanza wakati wowote kuanzia sasa ni vyema kuwa na uhakika wa usafiri hadi kituo cha afya, hakikisha una fedha za kutosha kufanikisha safari hizi na manunuzi ya maji na vyakula vya dharura, kama kuna malipo utakayohitajika kuyalipia kwenye kituo cha afya pia jitayarishe vyema kifedha. Usisahau pia kuhakikisha simu yako ya mkononi inakuwa na chaji ya kutosha muda wote na salio la kutosha kuweza kuwasiliana kipindi cha dharura.

Kama unategemea kujifungua mapacha soma zaidi makala yetu kuhusu kujufungua watoto mapacha kutoka kwenye miongozo yetu.

Ufuatiliaji Ujauzito AfyaTrack

Ujauzito Wiki ya 35

Jinsi mtoto wako anavyokua katika ujauzito wiki ya 35
Mtoto wako amekuwa mkubwa sana kwenye mji wake wa mimba na ni msumbufu, unaweza kupata mateke machache katika mbavu! Mtoto wako ameshaota tayari kucha za mikono na miguu. Figo zake zimekamilika na ini lake linaweza pia kusafisha baadhi ya taka.

Dalili za ujauzito katika wiki ya 35
Unaweza kuwa na hisia kwamba huna nafasi – mji wa mimba yako umeongezeka wigo kwa mara 1,000 zaidi ya kiasi chake cha awali na sasa upo chini ya mbavu zako. Kama ulianza ujauzito wako katika uzitowa afya unaweza kuongeza kati ya kilogramu 10 na 12.5 (22lb hadi 28lb) kwa sasa. Utakuwa hauongezeki uzito sana kuanzia sasa.

Kama nywele yako zimezidi kung`aa kuliko kawaida, zifurahie sana wakati huu kwani zitarudi kama awali muda si mrefu baada ya kujifungua. Wakati wa ujauzito, nywele yako inakuwa nzito, kwa sababu homoni huzuia kupotea kwa nywele kwa kawaida.

Unachotakiwa kufahamu katika ujauzito wiki ya 35
Ikiwa umeanza likizo yako ya uzazi, chukua nafasi ya kupata wakati wa kupumzika mara kwa mara mchana. Ni nafasi ya kufanya mazoezi na mbinu za kupumua ulizojifunza.

Kwa nini usipate (pedicure)usafi wa miguu na kucha wakati umepata muda? Unaweza kugundua ni ngumu mno kufikia miguu yako sasa tumbo lako kubwa linakuzuia.

Una mawazo ni namna ganikujifungua kwako kutakavyokuwa? Ni vigumu kutabiri uzazi wa mtu yeyote utakuwaje, lakini kuna njia unaweza kujaribu kuweka udhibiti wa mazingira utakayojifungulia. Kwa mfano, kwa kuhakikisha kuwa wakati ukifika mazingira yako ya kujifungulia ni kama ulivyopanga, kuanzia hospitali utakayojifungulia, usafiri utakaoutumia, mtu wa karibu utakayekuwa nae na hata mkunga atakayekusaidia wakati wa kujifungua ni kama upendavyo .

Kama wewe ni baba mtarajiwa, jifunze kuhusu njia bora za kuwa mzazi mwenza. Soma ratiba ya uzazi na pata maarifa unayohitaji kujua juu ya siku ile kubwa ya mwenza wako kujifungua. Hii itakuondolea hofu wewe pia na kukufanya uwe na amani kwani utahitajika kuwa na msaada mkubwa kwa mama mjamzito na hasa baada ya kujifungua.

Ufuatiliaji Ujauzito AfyaTrack

Ujauzito Wiki ya 34

Jinsi mtoto wako anavyokua katika ujauzito wiki ya 34
Kama umekuwa na wasiwasi kuhusu kujifungua mapema, utakuwa na furaha kujua kwamba idadi kubwa ya watoto waliozaliwa wakati wa wiki ya 35 wana afya kabisa. Mapafu ya mtoto wako yamekamilika kikamilifusasa na matatizo yoyote yanaweza kutibiwa.

Dalili za ujauzito katika wiki ya 34
Kutokumeng’enywa kwa chakula kunaweza kuwa kuja tena kwa sasa ambapo mtoto wako anasukuma dhidi ya tumbo lako. Kuendelea kula milo midogo, na jaribu kutokulala moja kwa moja baada ya mlo. Kujilaza/kupumzika mara baada ya kula chakula cha jioni inaweza kuonekana kama ni wazo zuri, lakini kulala mapema baada ya kula inaweza kukusababishia kupata kuvimbiwa na kukufanya usijisikie vizuri.

Unachotakiwa kufahamu katika ujauzito wiki ya 34
Unaweza ukawa na miadi ya kuhudhuria kliniki wiki hii. Hivyo ni vyema kuwa na orodha ya maswali yoyote ambayo unaweza kuwa nayo kuhusu maamuzi ya njia ya kujifungua na mambo yote yanayohusiana na kujifungua.

Je, mpenzi wako anajua nini cha kuleta hospitali? Vyakula vidogo vidogo, vifaa vya msalani na nguo za kubadilisha vyote ni muhimu.

Wakati ukifika, na unahisi wewe upo katika uchungu, mkunga wako atakushauri kukaa nyumbani kwa muda mrefu iwezekanavyo. Ni vyema kuuliza njia mbalimbali za kukabiliana na uchungu nyumbani katika awamu ya kwanza ya kujifungua.

Ufuatiliaji Ujauzito AfyaTrack

Ujauzito Wiki ya 33

Jinsi mtoto wako anavyokua katika ujauzito wiki ya 33
Mpaka sasa, mtoto wako pengine kichwa chake kinaangalia chini katika mji wake wa mimba. Watoto wengi vichwa huangalia chini katika hatua hii, ingawa baadhi wanaendelea kubadili uelekeo.

Mifupa ya fuvu la mtoto wako bado ni laini na haijajiunga kabisa. Hii inafanya kuwa rahisi kwa wewe kumzaa, kwani mifupa katika fuvu la kichwa chake inaweza kuingiliana kidogo yeye akiwa anashuka chini ya uke wako.

Dalili za ujauzito katika wiki ya 33
Unaweza gundua kwamba miguu yako, mikono, uso, na kifundo cha mguu imevimba kidogo. Uhifadhi huu wa maji unajulikana kama “oedema”. Mara nyingi ni mbaya katika hali ya hewa ya joto na wakati wa jioni.

Cha kushangaza, kunywa maji zaidi, na sio pungufu, ndio itasaidia. Hivyo, kunywa maji! Lakini kamakuvimba kumezidi, na una maumivu ya kichwa, mtafute mkunga au daktari wako mara moja, kwa sababu hizi wakati mwingine ni dalili za “pre-eclampsia”.

Unachotakiwa kufahamu katika ujauzito wiki ya 33
Kuhakikisha wewe na mpenzi wako mnakuwa na namba zote muhimu kwenye simu zenu – mkunga, daktari na wodi ya wazazi. Kama una watoto wakubwa, panga na mtu kwa ajili ya kuwatunza kwa siku zile utakazokuwa umeenda kujifungua kwani utashindwa kukihudumia kichanga na kukidhi mahitaji ya watoto wengine wakubwa kwa ufanisi.

MENU